26-fevral kuni “Vishegrad guruhi” va Markaziy Osiyo mamlakatlari tashqi ishlar vazirlarining birinchi uchrashuvida ishtirok etish uchun Budapesht shahrida bo‘lib turgan O‘zbekiston delegatsiyasi Korvina universiteti rektori Andrash Lanszi bilan uchrashdi, deb xabar beradi TIV matbuot xizmati.
1853-yili tashkil etilgan universitet hozirgi kunda iqtisod sohasiga ixtisoslashgani bilan mashhur va jahonning eng sara 200 ta ta’lim muassasalari qatoriga kiradi. Ushbu dargohda ta’lim venger, ingliz, nemis va fransuz tillarida olib boriladi.
Universitetda bo‘lib o‘tgan uchrashuvda O‘zbekiston va Vengriya ta’lim muassasalari o‘rtasida hamkorlik istiqbollari yuzasidan fikr almashildi, kadrlar tayyorlash va ilmiy almashinuvlar sohasida tomonlarning aniq tashabbuslarini tatbiq etishning amaliy masalalari ko‘rib chiqildi, deyiladi xabarda.
Izoh (0)