Ягона халқаро процессинг марказида Visa International’нинг глобал тармоқ операциялари бўйича вице-президенти Винс Приббл билан учрашув бўлиб ўтди, деб ёзади Spot.
«Бугунги учрашув — GlobUz ва Visa халқаро тўлов тизими ўртасида алоқалар ўрнатиш учун қўйилган биринчи қадам. Икки тизимнинг ҳамкорлиги GlobUz терминал тармоқларида Visa карталари бўйича тўловларни қабул қилиш имконини беради. Биз шунингдек, GlobUz карталари ҳам Visa тармоқларида қабул қилиниши устида қаттиқ ишлаяпмиз», — деди Ягона халқаро процессинг маркази директори Шуҳрат Қурбонов.
Томонлар GlobUz ва Visa тўлов тизимлари ўртасидаги ҳамкорлик истиқболларини муҳокама қилди. Хусусан, Visa’нинг GlobUz технологик платформаси базасидаги технологиялари ва инновацион ечимларини жорий қилиш, шунингдек, чет элда GlobUz банк карталаридан хорижий валютада операциялар ўтказиш имкониятлари кўриб чиқилди.
Изоҳ (0)