Футбол бўйича Ўзбекистон Суперлигаси стартига 5 кун вақт қолганида, мамлакат Про-Лигасида тўп сурадиган 16 та жамоа номига аниқлик киритилди. 2018 йил давомида улар Суперлига ҳаракатида бўлади.
Про-Лига клубларини аниқлаб олишда ПФЛ комиссияси жамоалар олдига қўйилган талабларнинг қай тариқа бажарилганига эътибор қаратган. Миссияни уддалаган 16 та клуб фаолиятини давом эттириш ҳуқуқини қўлга киритди. Ўтган мавсум якунларига кўра Олий Лига йўлланмасини қўлга киритган «Цементчи» клуби эса кўринишидан ПФЛ талабларини бажара олмаган. Боиси жамоа иштирокчилар орасида йўқ.
Про-Лига иштирокчилари
- «Машъал» (Муборак шаҳри)
- «Шўртан» (Ғузор шаҳри)
- «Динамо» (Самарқанд шаҳри)
- «Истиқлол» (Қувасой шаҳри)
- «Ёзёвон» (Ёзёвон тумани)
- «Хотира-79» (Уйчи тумани)
- «Ифтихор» (Ёшлар Иттифоқи жамоаси)
- «Зомин» (Зомин тумани)
- «Хоразм» (Урганч шаҳри)
- «Андижон» (Андижон шаҳри)
- «Орол» (Нукус шаҳри)
- «Ғиждувон» (Ғиждувон тумани)
- «Сурхон» (Термиз шаҳри)
- «Бунёдкор-2» (Тошкент шаҳри)
- «Пахтакор-2» (Тошкент шаҳри)
- «Локомотив БФК» (Тошкент шаҳри)
Про-Лига иштирокчилари орасида энг кутилмаган жамоа «Ифтихор» бўлди. Ёшлар Иттифоқи ташкилотининг жамоаси сифатида таништирилган клуб Суперлига йўлида кураш олиб боради. Шунингдек, Тошкентнинг гранд клубларига тегишли бўлган фарм-клублар ҳам Про-Лигада рақобатга киришади.
Изоҳ (0)