iPhone SE 2 ёзда WWDC 2018 конференциясида тақдим этилиши мумкин

iPhone SE 2 iPhone X’га ўхшаш бўлмайди, яъни олд панель тепасида «қош» ва ингичка ром бўлмайди, деб ёзади Hi-Tech Mail.Ru.

У «бешликлар» дизайнини давом эттириб, шиша деталлари бўлган металл корпус, учли қирралар ва Home тугмаси билан жиҳозланади. Apple’нинг янги ихчам флагмани ҳақидаги маълумот бутловчи қисмлар етказиб бериш занжири билан таниш бўлган Хитой сайтида пайдо бўлди.

Унда асосий янгилик 4 дан 4,2 дюймгача катталаштирилган дисплей бўлади. Компания iPhone SE корпусини катталаштириши ёки ромларни кичрайтириб, дисплейни узунчоқроқ қилиши мумкин. iPhone SE 2 Apple А10 Fusion процессорида ишлайди, аммо тезкор хотираси атиги 2 Гб бўлади. Доимий хотираси 32 ёки 128 Гб бўлади.

iPhone SE 2 ишлаб чиқарувчилар учун ўтказиладиган WWDC 2018 конференциясида тақдим этилиши керак. Маълумотларга кўра, у 4—8 июнда бўлиб ўтади.