iPhone SE 2 iPhone X’ga o‘xshash bo‘lmaydi, ya’ni old panel tepasida “qosh” va ingichka rom bo‘lmaydi, deb yozadi Hi-Tech Mail.Ru.
U “beshliklar” dizaynini davom ettirib, shisha detallari bo‘lgan metall korpus, uchli qirralar va Home tugmasi bilan jihozlanadi. Apple’ning yangi ixcham flagmani haqidagi ma’lumot butlovchi qismlar yetkazib berish zanjiri bilan tanish bo‘lgan Xitoy saytida paydo bo‘ldi.
Unda asosiy yangilik 4 dan 4,2 dyuymgacha kattalashtirilgan displey bo‘ladi. Kompaniya iPhone SE korpusini kattalashtirishi yoki romlarni kichraytirib, displeyni uzunchoqroq qilishi mumkin. iPhone SE 2 Apple A10 Fusion protsessorida ishlaydi, ammo tezkor xotirasi atigi 2 Gb bo‘ladi. Doimiy xotirasi 32 yoki 128 Gb bo‘ladi.
iPhone SE 2 ishlab chiqaruvchilar uchun o‘tkaziladigan WWDC 2018 konferensiyasida taqdim etilishi kerak. Ma’lumotlarga ko‘ra, u 4—8-iyunda bo‘lib o‘tadi.
Izoh (0)