Криптовалютани тартибга солиш бўйича чора-тадбирларни ишлаб чиқарган Жанубий кореялик олий мартабали амалдор ўлик ҳолда топилди, деб хабар берди Meduza.
«Рёнхап» агентлигининг маълумотларига кўра, 52 ёшли Чон Ки Жуннинг жасади 18 февраль куни ўз уйидан топилган. Полиция амалдорнинг ўлими юзасидан тергов ишини бошлаб юборди. Дастлабки версияларга кўра, у юрак хуружидан вафот этган.
The Wall Street Journal’нинг маълум қилишича, Чон Ки Жун криптовалюта бозорини тартибга солиш бўйича турли бўлимларнинг ишларини мувофиқлаштириш учун жавобгар бўлган.
Марҳумнинг дўстларини айтишича, Чон Ки Жун ўтган йили янги лавозимга тайинланганидан буён кучли стрессни бошидан ўтказган.
Изоҳ (0)