Буюк Британиянинг Ўзбекистондаги Фавқулодда ва мухтор элчиси Кристофер Аллан Наманган вилоятига келди. Бу ҳақда «Дарё» мухбири хабар бермоқда.
Элчи дастлаб Британия ҳукумати ва ЮНЕСКОнинг Ўзбекистондаги ваколатхонаси томонидан мамлакатдаги қатор ташкилотлар билан ҳамкорликда ташкиллаган «Медиа ва ахборот саводхонлигини илгари суриш» лойиҳаси доирасидаги семинар-тренинг очилишида иштирок этди. Наманган вилоят телерадиокомпаниясида ўз ишини бошлаган тренингда британиялик журналист Жон Белл уч кун давомида пойтахт ва водий вилоятларидан келган ОАВ вакилларига маҳорат сабоқларини беради.
Элчини вилоят ҳокими Хайрулло Бозоров қабул қилди. Мулоқот давомида савдо-иқтисодий, ҳуқуқий, маданий-гуманитар ва бошқа соҳаларда амалга оширилган лойиҳалар ва уларнинг самаралари, ушбу йўналишлардаги ҳамкорлик истиқболлари ҳақида сўз юритилди.
Суҳбат чоғида томонларни қизиқтирган бошқа масалалар юзасидан ҳам фикр алмашилди.
Кристофер Аллан Ўзбекистон савдо-саноат палатаси вилоят ҳудудий бўлимида ҳам бўлди.
Изоҳ (0)