Ўзбекистон Президенти Шавкат Мирзиёевнинг Бухоро вилоятига ташрифи давомида 16 февраль куни Пешку туманида вилоят фаоллари иштирокида йиғилиш бўлиб ўтди. Йиғилишдан лавҳалар «Ўзбекистон 24» телеканали орқали намойиш этилди.
Президент йиғилишдаги нутқи давомида чет элдан биров келиб, Ўзбекистон учун ҳеч нарса қилиб бермаслигини, шу боис, «бир миллат бўлиб, белни маҳкам боғлаб, қаттиқ ҳаракат қилиш зарур»лигини таъкидлади.
Ҳалол меҳнат қилсак, кам бўлмаймиз. Ҳалол меҳнат қилиш учун Ватанни севиш керак. Йиғилишларда илгари сурилаётган режаларни ким амалга оширади? Шу ерда ўтирган фаоллар, менинг вакилларим.Айни вақтда, Президент натижа учун ишлаш лозимлигини, халқнинг умиди ва ишончини оқлаш кераклигини ҳам уқтирди.Бир нарсани билинглар — дунё шиддат билан ўзгаряпти, замон жуда таҳликали. Лекин мана шу шиддатли, таҳликали замонда биз бир давлат, бир миллат бўлиб, ўрнимизни ўзимиз топмасак, эртага уни ҳеч ким бизга топиб бермайди. Биров четдан келиб, Ўзбекистон учун ҳеч нарса қилиб бермайди.
Шундай замонда яшаяпмизки, ҳар биримиз ўзимиз, фарзандларимиз, эртанги кунимиз учун белимизни маҳкам боғлаб, жуда қаттиқ ҳаракат қилишимиз керак. Томошабин бўлиб туришга энди ўрин йўқ.
Шавкат Мирзиёев, Ўзбекистон Президенти
Қарорлар, ҳужжатлар қабул қиляпмиз, шу билан бирга, мен ҳар бир вилоятнинг ўзига маъқул бўлган йўлни танлашга имкон яратяпман. Умуман, Бухоро эртага мутлақо бошқача бўлиши керак, натижага ишлаш керак.Мана, кўп нуронийларнинг сўзларини эшитдик. Дуои-фотиҳаларнинг тагида катта нарса бор — розилик. Розиликнинг тагида кичик бўлса ҳам ишонч, умид бор. Бир нарсани унутмаслигимиз керак — мана шу умид, мана шу ишончни оқласак, натижа бўлади.
Шавкат Мирзиёев, Ўзбекистон Президенти
Изоҳ (0)