Buyuk Britaniyaning O‘zbekistondagi Favqulodda va muxtor elchisi Kristofer Allan Namangan viloyatiga keldi. Bu haqda “Daryo” muxbiri xabar bermoqda.
Elchi dastlab Britaniya hukumati va YuNESKOning O‘zbekistondagi vakolatxonasi tomonidan mamlakatdagi qator tashkilotlar bilan hamkorlikda tashkillagan “Media va axborot savodxonligini ilgari surish” loyihasi doirasidagi seminar-trening ochilishida ishtirok etdi. Namangan viloyat teleradiokompaniyasida o‘z ishini boshlagan treningda britaniyalik jurnalist Jon Bell uch kun davomida poytaxt va vodiy viloyatlaridan kelgan OAV vakillariga mahorat saboqlarini beradi.
Elchini viloyat hokimi Xayrullo Bozorov qabul qildi. Muloqot davomida savdo-iqtisodiy, huquqiy, madaniy-gumanitar va boshqa sohalarda amalga oshirilgan loyihalar va ularning samaralari, ushbu yo‘nalishlardagi hamkorlik istiqbollari haqida so‘z yuritildi.
Suhbat chog‘ida tomonlarni qiziqtirgan boshqa masalalar yuzasidan ham fikr almashildi.
Kristofer Allan O‘zbekiston savdo-sanoat palatasi viloyat hududiy bo‘limida ham bo‘ldi.
Izoh (0)