Украиналик топ-менежер Veon’нинг Ўзбекистондаги бизнеси учун масъул бўлади

Veon Ltd. компанияси (Beeline бренди остида ишлайдиган «Вимпелком» ОАЖ бош компанияси) «Ривожланаётган бозорлар» ва «Евросиё» бўлинмалари раҳбариятида ўзгаришлар бўлганини маълум қилди, деб ёзади «Mobinfo.uz».

«Ривожланаётган бозорлар» бўлинмаси (Покистон, Бангладеш ва Жазоирни ўз ичига олади) раҳбари Жон Эдди ва «Евросиё» бўлинмаси (Ўзбекистон, Қозоғистон, Украина, Қирғизистон, Тожикистон, Арманистон ва Грузияни ўз ичига олади) раҳбари Михаил Герчук ўз лавозимларини тарк этди.

Уларнинг ўринларини тегишли равишда Jazz (Veon’га киради) бош директори Амир Иброҳим ва «Киевстар» компанияси (Veon гуруҳига киради) бош директори Пётр Чернишов эгаллади. Таъкидланишича, Украинадаги энг йирик операторлардан бирининг бош директори Пётр Чернишов «Киевстар»ни бошқаришда давом этади, шунингдек, Veon’нинг Ўзбекистон, Қозоғистон, Украина, Қирғизистон, Тожикистон, Арманистон ва Грузиядаги бизнеси учун жавоб беради.