Самарқанд шаҳридаги Мотрид маҳалласида 17 февраль куни соат 16.30 ларда қотиллик содир этилди. Бу ҳақда ИИВ Жамоатчилик ва оммавий ахборот воситалари билан алоқалар бошқармаси маълум қилди.
1971 йилда туғилган Р.Кубаев уйида оилавий жанжал оқибатида турмуш ўртоғи, 1983 йилда туғилган Д.Умарованинг бўйин ва кўкрак қисмига пичоқ билан уриб, жароҳат етказди.
Д.Умарова олинган жароҳатлар оқибатида воқеа жойида ҳаётдан кўз юмди. Р.Кубаев қўлга олинди.
Эслатиб ўтамиз, олдинроқ Ўзбекистонда 2017 йилда яқин қариндошлар томонидан содир этилган қотилликлар сони 200 га яқин бўлгани, бундай жиноятлар энг кўп Самарқанд вилоятида қайд этилгани билдирилганди.
Изоҳ (0)