Самарқанд вилоятининг Пастдарғом тумани халқ таълими фаоллари «Олтин китоб« мукофотини жорий этиш бўйича ташаббус кўрсатди. Бу ҳақда ЎзА хабар берди.
Ҳудудлардаги изланувчан ва ижодкор ўқитувчиларга эътибор қаратиш, устозларнинг ишини туман ва вилоят миқёсида оммалаштириш, услубшуносларни рағбатлантириш ҳамда илғор ташаббусларини қўллаб-қувватлаш мақсадида «Олтин китоб« мукофоти жорий этилди.
Пастдарғомда китобхонликни кенг тарғиб қилиш мақсадидаги номинацияга якунланган йилда тумандаги 5-сон умумтаълим мактабининг бошланғич синф ўқитувчилари муносиб деб топилиб, мукофот билан тақдирланди.
— Изланишларимиз республика миқёсида оммалаштирилишини хоҳлаймиз, — дейди тумандаги 62-мактаб бошланғич таълими ўқитувчиси Зебинисо Мусурмонова. —Ушбу мукофотга энг китобхон мураббий сазовор бўлади. «Олтин китоб» статуэткаси очиқ китоб шаклида ишланган бўлиб, у мамлакат умумтаълим мактаблари мураббийлари орасида оммалаштирилса яхши бўларди.
Изоҳ (0)