Киев Россияга фуқаро авиацияси самолётлари учун Д-436 двигателлари етказиб беришни ман этди. Бу ҳақда Россия саноат вазирининг ўринбосари Олег Бочаров маълум қилди, дея хабар беради «Известия».
«Афсуски, Украина расмийлари фуқаро авиацияси учун мўлжалланган Д-436 двигателлари етказиб беришни тақиқлади», — деди Бочаров.
Запорожьедаги «Мотор Сич» корхонасида тайёрланадиган мазкур двигателлар Воронеж авиазаводида йиғиладиган Ан-148 самолёти ва Бе-200 самолёт-амфибиясига ўрнатиларди.
Эслатиб ўтамиз, 11 февраль куни «Саратов авиалиниялари» компаниясининг Ан-148 самолёти Домодедово аэропортидан парвоз қилганидан бир неча дақиқа ўтиб Москва вилоятида қулаб тушди.
Изоҳ (0)