Олий суд раиси Козимжон Комилов бошчилигидаги Ўзбекистон делегацияси 19—28 февраль кунлари Францияга сафар уюштиради. Бу ҳақда «Жаҳон» агентлигига таяниб, UzDaily хабар берди.
Мазкур сафар Ўзбекистон Республикаси Олий суди ва БМТ Тараққиёт дастурининг «Ўзбекистонда қонун устуворлиги соҳасида ҳамкорлик» қўшма лойиҳаси доирасида ташкил қилиниб, суд-ҳуқуқ тизимини ривожлантириш,инсон ҳуқуқлари ва эркинликларини ишончли ҳимоя қилишнинг самарали механизмларини жорий этишда Франция тажрибасини ўрганишга қаратилган.
Ташриф доирасида Давлат кенгаши, Адлия вазирлиги, Франция магистратураси олий кенгаши, Халқаро савдо палатасининг халқаро арбитраж суди, Париж савдо ва маъмурий суди, шунингдек, Бордо шаҳридаги миллий магистратура мактаби ва бошқа муассасаларда учрашув ҳамда музокарлар ўтказиш режалаштирилган.
Ташриф чоғида давра суҳбати ўтказилиши режалаштирилган бўлиб, унда француз томони иштирокчилари 2017—2021 йилларга мўлжалланган ҳаракатлар стратегиясининг бешта устувор йўналишлари бўйича суд-ҳуқуқ ислоҳотининг асосий йўналишлари билан танишиши мумкин.
Изоҳ (0)