7 февраль куни халқаро коалиция томонидан Суриянинг Дайр-аз-Зор вилоятига берилган зарба оқибатида 50 нафар Россия ва Украина фуқаролари ҳалок бўлган. Бу ҳақда «Ведомости» нашри «Вагнер» хусусий ҳарбий компаниясидаги ўз манбасига таяниб маълум қилди, деб хабар берди Meduza.
Маълумотларга кўра, зарба берилиши билан 23 нафар одам ўлгани ҳақида маълум бўлган, орадан бир неча кун ўтгач эса уларнинг сони 50 нафарга етган. Шунингдек, 70 га яқин одам жароҳат олган.
«Ведомости» нашрининг ёзишича, зарба оқибатида ҳалок бўлганларнинг умумий сони, жумладан, суриялик жангалари ҳам 100 нафарни ташкил этади. Бу каби маълумотларни зарба амалга оширилганидан сўнг Пентагон вакили ҳам маълум қилган.
Эслатиб ўтамиз, 7 февраль куни АҚШ бошчилигидаги халқаро коалиция «Сурия демократик кучлари»нинг Дайр-аз-Зор вилоятидаги позициясига қарата ўт очган эди.
Изоҳ (0)