Бу йил Meizu компанияси ўзининг 15 йиллигини нишонлайди. Шу муносабат билан у янги Meizu 15 ва 15 Plus флагманлари линейкасини чиқаришни режалаштирмоқда, деб ёзади Hi-Tech Mail.Ru. Компания улар ҳақдаги маълумотларни махфий сақламоқда, бироқ дизайн аллақачон фош этилди.
Meizu 15 Plus’нинг орқа панели шишадан ясалади, корпус эса металлдан. Смартфоннинг ромлари жуда ингичка, айниқса, ён томонларида ва пастида. Тепа қисмида ром энлироқ, чунки унда динамик, олд камера ва датчиклар бор.
Кичик ромлар туфайли компания кўп функцияли mTouch тугмасидан воз кечишга мажбур бўлди. Энди унинг ўрнига дисплейнинг пастки қисмида mBack дастурий тугмаси бор: у ишоралар билан ишлайди ва босим кучини аниқлайди. Бармоқ изи сканери эса Meizu 15 нинг ўнг ёнида бўлади.
Meizu 15 мартда — компанияга асос солинганига роппа-роса 15 йил бўлган куни тақдим этилиши кутилмоқда. «Кичик» модель 3399 юань (535 доллар) туриши тахмин этилмоқда.
Изоҳ (0)