SlashLeaks ресурси HMD Global томонидан Mobile World Congress 2018 кўргазмасида тақдим этилиши кутилаётган смартфоннинг суратларини эълон қилди. Аввалроқ Nokia 9 смартфонининг сурати Amazon’да пайдо бўлгани ҳақида хабарлар тарқалганди, SlashLeaks’да эълон қилинган суратлар эса мазкур миш-мишларга мос келмоқда, деб хабар берди Hi-Tech.Mail.Ru.
Суратлардан кўриш мумкинки, қурилманинг дисплейи ён томонга «эгилган», вертикал иккиталик асосий камеранинг ўнг томонида LED чироғи жойлашган. Бармоқ изи сканери айнан қаерда жойлашишини суратлардан билиб олишнинг иложи бўлмади.
Nokia 9 смартфони LG Display томонидан етказиб берилувчи 5,5 дюймли OLED экрани билан жиҳозланиши кутилмоқда. Иккиталик камеранинг бири 12, иккинчи 13 мегапикселлга тенг. Шунингдек, 5 мегапикселли фронтал камера ҳам мавжуд. Бундан ташқари, қурилмага Snapdragon 845 процессори ва 3250 мА/соат сиғимли батарея ўрнатилади.
Изоҳ (0)