Кореянинг ETNews нашри маълумотларига кўра, Galaxy S9 ва S9 Plus Samsung қурилмалари ичида биринчи бўлиб 3D-эмодзи ва стереодинамикларга эга бўлади, деб ёзади Hi-Tech Mail.Ru. Таъкидланишича, Samsung’нинг 3D-эмодзиси Apple’нинг Animoji’сидан анча илғорроқ бўлади, аммо моҳиятига кўра, ўхшаш бўлади. Иккала технологияда ҳам фойдаланувчининг юз ҳаракатларини кузатиб, уларга тақлид қилувчи 3D-персонаж бор.
Йил бошида компания ўзининг янги Exynos чипини намойиш қилиб, у «юзни кузатиш учун реалистик фильтрлар»га ҳамда қурилмани юзни таниб олиш орқали блокдан чиқариш технологияси учун ишончлироқ ҳимояга эга бўлганини маълум қилди.
Шунингдек, S9 га стереодинамиклар ўрнатилади. Улар смартфоннинг тепа ва пастки четларида жойлашади.
Galaxy S9 ва S9 Plus 25 февраль куни Барселонадаги MWC конференциясида тақдим этилади. ETNews маълумотлари бўйича, Galaxy S9 853 доллардан 923 долларгача бўлган нархда сотувга чиқиши мумкин.
Изоҳ (0)