«Россия вертолётлари» холдинги оғирлиги 300 килограмм бўлган ва 70 килограммгача юкни ташишга қодир учувчисиз бошқариладиган вертолётни яратмоқда, деб хабар берди «Газета.ru».
Таъкидланишича, комплекс тадқиқотлар ўтказиб бўлинган ва учувчисиз бошқариладиган янги вертолётнинг ташқи кўриниши борасида бир тўхтамга келинган.
Вертолётнинг нусхаси ва мобил бошқарув пункти 2019 йилнинг январига қадар синовдан ўтказилади. Илмий-тадқиқот иши 395 миллион рубль (тахминан 7 миллион доллар)га баҳоланган.
Қайд этишларича, мазкур дроннинг максимал оғирлиги 300 килограммни, парвоз давомийлиги 6 соатни, ҳаракат радиуси 150 километрни, тезлиги эса соатига 180 километрни ташкил этади.
Изоҳ (0)