Буюк Британия ички ишлар вазири Эмбер Радд экстремистик руҳдаги интернет-контент билан кураш бўйича янги технология яратилганини маълум қилди. Бу ҳақда «РИА Новости» хабар бермоқда.
Янги технология ИШИД тарғиботига оид видеороликларнинг 94 фоизини автоматик аниқлаш имконини беради. Яъни 1 миллион тасодифан танланган роликка 50 та бевосита мутахассис кўригини талаб этувчиси тўғри келади.
«Бу технология исталган платформада фойдаланилиши, юклаб олиш жараёнига интеграциялашиши мумкин. Шу тариқа тарғибот видеороликларининг катта қисмини интернетда пайдо бўлгунига қадар аниқлаш имкони туғилади», — дейди Эмбер Радд.
Вазирликка кўра, ИШИД тарафдорлари 2017 йилда тарғибот учун 400 дан ортиқ онлайн-платформадан фойдаланган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)