Россиянинг Узоқ Шарқ федерал универстети олимлари Хитойннг Харбин муҳандислик университетидаги ҳамкасблари билан бирга Арктика учун мўлжалланган дунёдаги биринчи музости алоқасини синаб кўрди. Бу ҳақда «Интерфакс» хабар берди.
Халқаро қишки мактаб доирасида россиялик олимларнинг физик методлари ва хитойлик олимларнинг технологик ишланмаларига асосланган янги технология синовдан ўтказилди. Таъкидланишича, бу Арктикани ўзлаштиришда беқиёс ўрин тутиши мумкин.
Россиялик олимлар яратган пневматик гидроакустик овоз тарқатувчи сув ва муз бўйлаб овоз тўлқинларини тарқатади. Хитойлик олимлар муз тебранишларини юқори аниқликда қабул қилувчи сейсмик қурилмани тақдим этган.
Замонавий гидроакустика асосидаги ихтирони Арктикада нефть ва газ излаш ҳамда қазиб олишда қўллаш режалаштирилмоқда.
Изоҳ (0)