Ўзбекистонда Ucell бренди остида ишлаётган Coscom МЧЖ наманганлик фуқарога ортиқча олинган пулларни қайтарди. Бу ҳақда Алоқа, ахборотлаштириш ва телекоммуникация технологиялари соҳасида назорат бўйича давлат инспекцияси матбуот хизмати маълум қилди.
Жорий йил январь ойида вилоятнинг Поп туманида яшовчи фуқаро инспекциянинг 1144 ишонч телефонига мурожаат қилиб, оператор мобил алоқаси учун ортиқча пул олганлигидан шикоят қилди.
Инспекция ходимлари компания вакиллари билан биргаликда мурожаатни ўрганди. Мижоз ҳисобидан чиндан ҳам ортиқча пул олингани аниқланди ва эгасига қайтарилди. Унинг миқдори маълум қилинмади.
Coscom компаниясига келгусида бу каби ҳолатларга йўл қўймаслик зарурлиги ҳақида огоҳлантириш хати тақдим этилди.
Изоҳ (0)