Тошкентда 14 февраль куни Ўзбекистон Президенти Шавкат Мирзиёев раислигида мактабгача таълим тизимини ислоҳ қилиш чора-тадбирлари таҳлилига бағишланган видеоселектор йиғилиши ўтказилган эди.
Мавзуга доир: Шавкат Мирзиёев: Бизда коллеж-лицейлар ўзини оқламади. Унинг тепасидаги илмимиз йўқ бўлди
Биз берган топшириққа мувофиқ ишлаб чиқилган намунавий лойиҳаларда боғчаларнинг ободонлаштирилган кичик майдони, алоҳида ошхонаси, кичик кутубхона, спорт майдончаси ва кичик сув ҳавзаси бўлиши назарда тутилган. Бироқ ишлаб чиқилган намунавий лойиҳалар бўйича қуриладиган янги боғчаларнинг нархи жуда қиммат бўлиб кетган.Шу сабабли Давлат архитектура-қурилиш қўмитаси лойиҳа институтлари билан бирга қисқа муддатда намунавий лойиҳаларни қайта кўриб чиқиб, янги қуриладиган боғчалар нархини арзонлаштириш чораларини кўриши ва бу ҳақда шахсан менга ахборот бериши шарт.
Республика бўйича битта боғчани ташкил этиш учун харажатлар ўртача 15 миллион сўм бўлган бир ҳолда, Қорақалпоғистон Республикаси, Андижон, Навоий, Сурхондарё, Тошкент вилоятларида 21—26 миллион сўмга тенглигини ҳудудлар раҳбарлар қандай изоҳлайди?
Шундан келиб чиқиб, ҳокимларга топшириқ: икки ҳафтада ташаббускор билан биргаликда лойиҳаларни арзонлаштириш чораларини кўриш керак. Акс ҳолда, бу эртага боғча тўловининг юқори бўлишига олиб келади.
Шавкат Мирзиёев, Ўзбекистон Президенти
Изоҳ (0)