14 февраль куни Флориданинг Паркленд шаҳридаги мактабда 17 кишини ўлдирган ўқотар айнан унинг собиқ синфдошлари ва мактабнинг бошқа ўқувчилари хавфсираган ишни амалга оширган. Бу ҳақда Fox News телеканали журналистлар суҳбатлашган ўқувчиларга таяниб хабар берди, деб ёзади «ТАСС».
Николас Круз Marjory Stoneman Douglas мактабидан бекорга ҳайдалмаган. Ўқотарга тегишли бўлган Instagram саҳифасига ўточар ва совуқ қуроллар суратлари жойлаштирилган.
Мактаб ўқувчиларидан бири таъкидлашича, «атрофдаги барча одамлар тез орада қон тўкилишини башорат қилган ва уни айнан Круз амалга оширишини айтган». Бошқа бир ўқувчи фожиа айбдорини «ёлғиз ва норасо» деб атади, учинчиси эса Круз мактаб биноси лойиҳасини яхши билганини ва ёнғин тревогаси чалинганида ҳамма олдиндан тайинланган жойга — учинчи қаватга тўпланишини жуда яхши билганини даъво қилди.
АҚШ Конгресси сенати аъзоси Билл Нелсон маълум қилганидек, Круз ҳужум олдидан газниқоб кийиб олган ва ўзи билан тутун чиқарувчи шашкаларни олиб келган ҳамда саросимани келтириб чиқариб, кўпроқ қурбонларга эришиш мақсадида ёнғин сиренасини ёққан.
Изоҳ (0)