АҚШдаги Нью-Гэмпшир университети профессори Австралиянинг давлат эканини тан олмагани учун ишдан четлатилди. Бу ҳақда «ТАСС» хабар бермоқда.
Исми келтирилмаган фалсафа доктори 27 ёшли талаба қиз Эшли Арнольднинг АҚШ ва Австралиядаги жамоат тартиби меъёрларига бағишланган тадқиқотини текшираётган эди. У қизга қониқарсиз баҳо қўйди, бунга асос сифатида қиёс «давлат ва қитъа» ўртасида ўтказилгани нотўғрилигини кўрсатди.
«Австралия — давлат эмас, қитъа. Тадқиқотнинг аввалида йўл қўйилган хато унинг бекор қилинишига олиб келди», — деб тушунтирди ўз қарорини профессор.
«Унинг маълумоти билан Австралия давлат эканлигини билмаслик мумкинми? Агар бунга шубҳаси бўлса, нега интернетда қидириб кўрмади?», — дейди Эшли Арнольд бу борада берган тушунтиришида.
Талаба ва профессор ўзаро бир неча маротаба мактуб алмашди. Ниҳоят, университетда ўтказилган муҳокамадан сўнг профессор ишдан бўшатилди. Университет маъмурияти ўз баёнотида бўлиб ўтган воқеадан афсусдалигини билдириб, бунинг бадали сифатида талаба таълим харажатларининг бир қисмини қоплаб берди.
Изоҳ (0)