Ҳиндистонлик журналист Обид Али беш босқинчи билан тенгсиз жангдан омон чиқишга муваффақ бўлди, бунда унга рафиқаси ёрдам берди, деб ёзади «Вести.ru».
4 февраль, якшанба куни Уттар-Прадеш штати пойтахти — Лакхнау шаҳрида журналистни бир эркак кўчага чақириб, бир қатор ҳужжатларни муҳокама қилишни таклиф этган. Али дарвозани очиб, кўчага чиққан, шу пайтда остонада беш йигит пайдо бўлиб, мухбирни қўллари, тўқмоқ ва болта билан дўппослашни бошлаган.
Эрининг бақир-чақирларини эшитиб югуриб чиққан аёл бироз довдираб қолган, аммо тезда тўппончани олиб, ёвуз ниятлилардан даф бўлишни сўраган. Ўз ниятининг жиддийлигини исботлаш учун у икки марта ўқ узган. Босқинчилар тум-тарақай қочишган. Шундан кейин эр-хотин полиция чақирган.
Жиноят мақсади аниқланмади. Али бўйни, бели, қўллари ва бошидан жароҳат олди.
Изоҳ (0)