Папиллома нима ва у қандай пайдо бўлади?

Аксарият одамлар ҳаётида ҳеч бўлмаганда бир марта папиллома вируси билан тўқнаш келишган, лекин кўпинча бу ҳақда билишмайди — ОПВ (одам папилломаси вируси) симптомларни келтириб чиқармаслиги ва ўзи йўқолиб кетиши мумкин. Бироқ касалликнинг юқори онкоген турлари организмда ушланиб қолиши, дисплазия ва ҳатто саратон касалликларининг ривожланишига олиб келиши мумкин.

Папилломалар нима?

Биринчи пайдо бўлган фикр — бу одам папиллома вируси. Аммо шуни тушуниш керакки, бу тошмалар ОПВ билан ҳеч қандай боғлиқ эмас. Папилломанинг тиббий номи акрохордонлар ёки юмшоқ фиброма, фибропапилломадир. Акрохордонлар оч ёки тўқ рангли ўзига хос томчи каби кўринади - бу одамнинг фототипи билан боғлиқ. Асосий ўзига хос хусусияти - унинг “оёғи” (тери билан боғловчи қисм). Унинг катталиги ҳар хил бўлиши мумкин: 1 ёки 2 миллиметрдан 2 сантиметргача.

Папилломалар нима учун пайдо бўлади?

“Акрохордонлар кўпинча механик ишқаланиш кучайган жойларда ёки терининг табиий бурмаларида (бўйин, қўлтиқ ости, кўз қовоқлари) пайдо бўлади. Улар бир неча сабабларга кўра келиб чиқиши мумкин: ёш, иккинчи турдаги қандли диабет, ортиқча вазн, глюкозага чидамлиликнинг пасайиши, бошқа соматик касалликлар, генетик мойиллик”, дея жавоб беради эксперт.

Папилломалар нимаси билан хавфли?

Шифокорнинг айтишича, акрохордонлар мутлақо хавфсиз. Бироқ кўпинча биз уларга тақинчоқлар билан тегиб кетамиз, юлиб оламиз, тегинамиз, шунинг учун улардан ўз вақтида қутулиш муҳимдир. Акрохордонлар шикастланса, улар катталашиши мумкин.

Айнан папиллома ва кондиломалар вирус табиатли сўгаллардир. Улар умумий фойдаланишдаги буюмлар орқали юқади. Ҳақиқий папилломалар анча зич, терига ёпишиб туради, тангачалар билан қопланган бўлади, энг муҳими, уларда “оёқча” бўлмайди. Улар хавфли бўлиб, иммунолог-дерматологда даволанишни талаб қилади.

Папилломаларни қандай даволаш мумкин?

Акрохордонни олиб ташлаш учун радиотўлқинли жарроҳлик аппарати ёки электрокоагуляция (юқори частотали электр токи) усули қўлланилади. Мутахассис гиперпигментациянинг олдини олиш учун уларни куз-қиш мавсумида олиб ташлашни маслаҳат беради.

Ҳар қандай ҳолатда ҳам аниқ ташхис қўйиш ва тегишли чорани кўриш, уни олиб ташлаш ёки даволаш усулини танлаш учун дерматологга мурожаат қилиш муҳимдир. Ўз-ўзини даволаш бутунлай тақиқланади. Уйдаги тиббиёти воситалари жароҳат ёки куйишга олиб келиши мумкин.