Ўзбекистон Тожикистон жануби билан боғловчи ва Хатлон вилоятига элтувчи Ғалаба — Амузанг темир йўл тармоғини тиклашга киришди. Бу ҳақда Asia-Plus хабар бермоқда.
Мазкур тармоқнинг Тожикистон чегарасигача бўлган қисми 2012 йилда демонтаж қилинган эди.
Ушбу йўл бўйича поездлар қатнови жорий йил март ойининг биринчи ярмидан бошланиши кутилмоқда. Ўзбекистон Президенти Шавкат Мирзиёевнинг Тожикистонга давлат ташрифи ҳам шу муддатга режалаштирилган.
Агентликнинг Тожикистон ҳукуматидаги манбасига кўра, келгусида икки мамлакат пойтахтлари ўртасида ҳам темир йўл йўловчи рейслари йўлга қўйилади.
Изоҳ (0)