9 февралнинг эътиборга молик янгиликлари — «Дарё»нинг кечки дайжестида.
1. Шавкат Мирзиёев Тошкентни айланди: метро қурилиши билан танишди, маданият ва истироҳат боғлари қурилишини бориб кўрди, «Сузук ота» мақбарасини зиёрат қилди, Жанубий Корея мутахассислари таклиф қилаётган лойиҳани кўздан кечирди.
2. Шавкат Мирзиёев ташаббуси билан Чилонзорда барпо этиладиган масжидга Шайх Муҳаммад Содиқ Муҳаммад Юсуф номи бериладиган бўлди. Президент масжид лойиҳаси билан танишар экан, уни янада такомиллаштириш, бунда халқ ва уламоларнинг таклифларини ҳам ўрганиш зарурлигини таъкидлади.
3. Фарғонада беш ёшли қизчани ўлдирганликда гумон қилинаётган шахс ушланди. Тошкент вилоятида эса уч болани ўлдиришда гумонланаётган шахс қўлга олинди.
4. Диаграмма: Ўзбекистоннинг сўнгги 12 йилдаги экспорт кўрсаткичлари. Қизиқарли рақамлар ва эътиборга молик қиёс.
Изоҳ (0)