O‘zbekiston Tojikiston janubi bilan bog‘lovchi va Xatlon viloyatiga eltuvchi G‘alaba — Amuzang temir yo‘l tarmog‘ini tiklashga kirishdi. Bu haqda Asia-Plus xabar bermoqda.
Mazkur tarmoqning Tojikiston chegarasigacha bo‘lgan qismi 2012-yilda demontaj qilingan edi.
Ushbu yo‘l bo‘yicha poyezdlar qatnovi joriy yil mart oyining birinchi yarmidan boshlanishi kutilmoqda. O‘zbekiston Prezidenti Shavkat Mirziyoyevning Tojikistonga davlat tashrifi ham shu muddatga rejalashtirilgan.
Agentlikning Tojikiston hukumatidagi manbasiga ko‘ra, kelgusida ikki mamlakat poytaxtlari o‘rtasida ham temir yo‘l yo‘lovchi reyslari yo‘lga qo‘yiladi.
Izoh (0)