Шу ой охирида Барселонада бўлиб ўтадиган MWC 2018 конференциясида HMD Global компанияси Nokia 7 Plus ва бошқа бир қатор қурилмаларни тақдим этишни режалаштирмоқда, деб ёзади Hi-Tech Mail.Ru.
Nokia 7 Plus ромсиз экранли, шиша корпусли смартфон бўлади. Қурилма IP54 стандарти бўйича сувдан ҳимояланган. Бармоқ изи сканери орқа панелда жойлашган.
Телефонга 6 дюймли ва 2160×1080 пикселли IPS суюқ кристалли дисплей, Snapdragon 660 чипсети, 4 Гб тезкор ва 64 Гб ички хотира (+microSD), 12 ва 13 мегапикселли ва Carl Zeiss оптикали қўш камера ҳамда 16 мегапикселли олд камера, 3450 мА/соат сиғимли батарея ўрнатилган.
Қурилма Android 8.0 Oreo операцион тизимида ишлайди. Smartфонга наушник учун 3,5 миллиметрли порт ва USB-C порти ўрнатилиши кутилмоқда. Қурилма тахминан 508 доллар нархда сотувга чиқади.
Изоҳ (0)