Тайвандаги зилзила оқибатида камида тўрт киши ҳалок бўлди, 225 киши жароҳат олди. Яна 145 кишининг тақдири номаълумлигича қолмоқда. Бу ҳақда қутқарувчиларга таяниб, CNA агентлиги хабар берди, деб ёзади «РБК».
Куни кеча, 6 февраль куни Тайванда 6,0 магнитудали ер силкиниши содир бўлди. Унинг эпимаркази Хуалянь шаҳридан 18,3 километр шимоли-шарқда, ўчоғи 10 километр чуқурликда жойлашди. Зилзиладан сўнг бир нечта афтершок қайд этилди.
Ер силкиниши оқибатида Маршал меҳмонхонасининг биноси вайрон бўлди, шунингдек, бир нечта бошқа меҳмонхоналар ва кўплаб шаҳар биноларига шикаст етди.
30 мингга яқин турар жой сув таъминоти ва электрдан маҳрум бўлди. Ер силкиниши оқибатида кўплаб кўчаларда ёриқлар пайдо бўлди, бир нечта кўприклар кучли шикастланди. Ҳозирги пайтда қутқарувчилар зилзила оқибатларини бартараф этиш ва бедарак йўқолганларни қидиришда давом этмоқда.
Изоҳ (0)