Кеча, 6 февраль куни Ўзбекистон Ёшлар иттифоқи Марказий кенгаш раиси ўринбосари Ўткир Шукуров Сурхондарё вилоятининг Денов ҳамда Сариосиё туманидаги Ёшлар етакчилари билан учрашди. Бу ҳақда Ёшлар иттифоқи Марказий кенгаш раиси Қаҳрамон Қуронбоев ўзининг Facebook’даги саҳифасида маълум қилди.
Ёшлар етакчиларининг фаолияти давомида учраб турган муаммолар, келгусидаги режалар муҳокама қилинди.
«Денов тумани республикада биринчи ўринда бўлиши зарур. Бунинг учун эса етакчилар барча ёшлар билан дўст бўлиб олишлари керак», — деди раис ўринбосари.
Шундан сўнг, Ўткир Шукуров қўшни туман — Сариосиёга йўл олди. Тумандаги 1-сонли давлат ихтисослаштирилган умумтаълим мактабида ташриф буюрди.
Мактаб биносида ташкил этилган Ёшлар кутубхонасида электрон доска мавжуд бўлиб, унда 1700 га яқин электрон ва аудио китоблар ҳамда 8000 мингга яқин бадиий ва илмий асарлар мавжуд ва бу тўлиқлигича мактаб ўқувчилари ихтиёрида. Wi-Fi ҳудуд ҳам ўрнатилган.
Ҳафтанинг ҳар чоршанба куни «Навоий ғазалларини ўрганамиз» номли тадбир ташкил этилади. Бундай ишлар, албатта, ўз самарасини кўрсатади. Биргина сардорлар Кенгаши аъзоси Қодирбек Ортиқов Навоийнинг 700 та ғазалини ёддан билиши маълум бўлди.
Изоҳ (0)