26 февралдан 2 мартгача Тошкент шаҳрида International Hotel Tashkent меҳмонхонасида ADWEEK 2017 маркетинг ва реклама ҳафталиги бўлиб ўтади. Бу ҳақда ҳафталик ташкилотчилари «Дарё»га маълум қилди.
Ҳафталик доирасида маҳаллий ва хорижий экспертлар иштирокидаги мастер-класс ва семинарларнинг ўтказилиши, реклама, маркетинг, ноширлик ва дизайн соҳасидаги Ўзбекистон компанияларининг маҳсулотлари намуналари, чет эллик ҳамкорлар билан тадбиркорлик битимларини кенгайтириш имкониятлари намойиш этилиши белгиланган.
Ҳафталик тадбиркорликни ривожлантириш, маҳаллий маркетинг бозори асосий иштирокчиларининг рақобат устуворликларини ривожлантириш учун мақбул муҳитни яратишга ёрдам беради. Шунингдек, ҳафталик доирасида 2017 йил маҳсулотлари ва брендларини ташвиқ этишдаги энг зўр маркетинг ва реклама материалларини тақдирлаш мақсадида танлов ҳам ўтказилади.
Изоҳ (0)