Туркия ҳарбий кучлари «Халқ мудофааси кучлари» курдларига қарши «Зайтун новдаси» операциясини ўтказаётган Суриянинг Африн туманига чегарадош бўлган Хатай ва Килис провинцияларида турк шаҳарларининг ракета ёрдамида ўққа тутилиши оқибатида етти киши ҳалок бўлди, 110 нафардан кўпроқ киши яраланди. Бу ҳақда Туркия бош вазири Бинали Йилдиримнинг сўзларига асосланиб, «ТАСС» хабар бермоқда.
«Ҳозирги вақтга қадар Хатай провинцияси бўйлаб 60 та, Килис провинцияси бўйлаб эса 34 та ракета учирилган. Ўққа тутилиш оқибатида етти нафар фуқаро ҳалок бўлган, 113 киши яраланган», — дейди бош вазир.
Сўнгги вақтда Сурия томондан турк шаҳарларига ракета отилиши тез-тез кузатилмоқда. Бу ҳолат Анқара томондан 20 январь куни курд террорчилик тузилмаларига қарши «Зайтун новдаси» операцияси бошланиши билан изоҳланмоқда.
Изоҳ (0)