Таиланд ҳукумати ўз ватанида ишига масъулиятсизлиги сабаб сиртдан беш йилга қамоқ жазосида маҳкум этилган собиқ бош вазир Йинглак Чинаватнинг миллионлаб долларлик мол-мулкини мусодара қилди. Бу ҳақда The Nation газетасига таяниб, «ТАСС» хабар берди.
Маълумотларга кўра, Таиланд Адлия вазирлиги собиқ бош вазирнинг 1 миллион батдан ортиқ (31,2 минг доллар) маблағи сақланувчи 13 та банк ҳисоб-рақамига тақиқ қўйган. Мусодара қилинган активлар орасида Чинаватнинг Бангкокдаги 3,4 миллион долларлик кошонаси, 10 дан ортиқ ер майдонлари бор.
Аввалроқ Таиланд ҳукумати «гуруч» давлат дастурини амалга оширишдаги масъулиятсизлиги сабаб собиқ бош вазирга 1 миллиард доллардан ортиқроқ жарима белгилаган эди.
Изоҳ (0)