Дональд Трамп маъмурияти конгрессга миграция қонунчилик лойиҳасининг келиштирувчи вариантини тақдим этади. У 1,8 миллион ноқонуний муҳожирга Америка фуқаролигини олиш имконини беради. Бу ҳақда The Hill нашри маълум қилди, деб ёзади «Ведомости».
Аввал АҚШда DACА дастури ҳимояси остида бўлган 700 мингга яқин муҳожир, яна бу дастурдан фойдаланишга улгурмаган 1,1 миллион киши фуқароликни олиш ҳуқуқидан фойдаланиши мумкин. Улар 10—12 йилдан сўнг қонун билан муаммолар бўлмаган ҳолатда фуқароликни олиши мумкин.
Қонун лойиҳаси эвазига Оқ уй парламентарийлардан Мексика билан чегарада девор қурилиши учун 25 миллиард доллар ажратиш ва миграция сиёсатидаги анча ўзгаришлар, жумладан, муҳожирлар оилаларининг давлат томонидан қўллаб-қувватланишини қисқартириш ҳамда бир қатор мамлакатлар учун грин-картани бекор қилишни талаб қилади.
Изоҳ (0)