Киев ва Москва Қрим мақоми ва ярим оролдаги ҳарбий техникани қайтариш масаласида мулоқот қилаётгани йўқ. Бу ҳақда Украина ташқи ишлар вазири Павел Климкин маълум қилди, дея хабар беради «ТАСС».
«Гаага конвенциясининг 53-моддасида қурол тинчлик ўрнатилганидан сўнг қайтарилиши белгилаб қўйилган. Қрим мақоми билан боғлиқ бирор масалада мулоқотимиз йўқ ва биз сиёсий ёки юридик мавқейимизни заифлаштиришмиз мумкин бўлган ҳеч бир ишга қўл урмаймиз», — деди Климкин.
Шунингдек, Климкин Украина ҳарбий техникани қайтариш билан боғлиқ расмий таклиф олмаганини билдирди.
Эслатиб ўтамиз, олдинроқ Россия президенти Владимир Путин Украинага Қримдаги ҳарбий кемалар ва самолётларни беришга тайёрлигини маълум қилганди.
Изоҳ (0)