Россиянинг Владимир вилоятида 17 ёшли коллеж ўқувчиси ҳайдовчиси ҳушидан кетган йўналишли такси йўловчилари ҳаётини сақлаб қолди, деб ёзади «РИА Новости».
Йигитнинг сўзларига кўра, ҳодиса 25 декабрь куни, у маршруткада кетаётган пайтда содир бўлган. Ҳайдовчи ҳушидан кетган, кейинроқ аниқланишича, унда инсульт юз берган.
Ҳайдовчининг оёғи газ педалини босиб турган, шу сабабли автобус юқори тезликда ҳаракатланиб, бошқа машиналарга туртиниб ўтаверган. Маршруткада йигитчадан ташқари яна беш киши, шу жумладан, ёш бола ҳам бўлган.
Шунда коллеж ўқувчиси ҳайдовчининг ёнига сакраб ўтиб, унинг оёғини педалдан олган, сўнг аста-секинлик билан тормоз педалини босган. Автобус йўл-йўлакай устунга тегиб кетган, аммо ҳеч кимга зарар етмаган. Маҳаллий ички ишлар органи коллеж ўқувчисини миннатдорик хати ва қимматбаҳо совға билан мукофотлади.
Изоҳ (0)