Том Круз ва Жонни Депп йилнинг энг ёмон актёрлари сифатида «Олтин малина»ни олиши мумкин

Йилнинг энг ёмон актёр, актриса ва режиссёрларига топширилувчи «Олтин малина» мукофоти ташкилотчилари анъанавий равишда хазиломуз тарзда ишланган видеороликда номинантлар билан таништирди, деб хабар беради «Корреспондент.net».

«Олтин малина» мукофоти 2018 йилнинг 3 мартида топширилади.

«Энг ёмон актёрлик ижроси» номинациясига «Мумия» фильмидаги ижроси учун Том Круз, Жейми Дорнан («50 тусга тўқроқ»), Марк Уолберг («Трансформерлар: сўнгги рицар» ва «Салом, дада, Янги йил 2»), Жонни Депп («Кариб денгизи қароқчилари: Марҳумлар эртак айтмайди») ва Зак Эфрон («Malibu қутқарувчилари») каби актёрлар қўйилган.

Дакота Жонсон («50 тусга тўқроқ»), Кетрин Хайгл («Шайтон васвасаси»), Эмма Уотсон («Сфера», Женнифер Лоуренслар эса («Она») йилнинг энг ёмон актрисалари бўлиши мумкин.

«Мумия», «Трансформерлар», «Malibu қутқарувчилари», «50 тусга тўқроқ» каби фильмлар «Йилнинг энг ёмон фильмлари» номинациясига киритилган.

Мукофот ташкилотчилари юқорида санаб ўтилган фильмларни эҳтиётсизлик оқибатида томоша қилган барчани «зудлик билан шифокорга мурожаат қилишга» чорламоқда.

Маълумот учун, энг ёмонлар учун «Олтин малина» 1980 йилда америкалик публиcист Жон Уилсон томонидан таъсис этилган.