Facebook ижтимоий тармоғи Иван Иванов исмли россияликни рўйхатга олишдан бош тортди ва фойдаланувчилар ҳақиқий исмини кўрсатиши кераклиги ҳақида огоҳлантирди. Бу ҳақда Pikabu портали аъзоларидан бири гапириб берди.
Унинг сўзларига кўра, кекса таниши ундан рўйхатдан ўтишда ёрдам беришни сўраган ва Facebook’нинг огоҳлантирувчи хабарини четлаб ўта олмаганини айтган. Pikabu фойдаланувчиси ҳам бунга уриниб кўрган, аммо муваффақиятсизликка учраган.
У ижтимоий тармоқнинг чеклаш маъносидаги ёзуви скриншотини эълон қилиб, «Facebook маъмурияти Россияда Иванов Иванлар йўқ ва бўлиши ҳам мумкин эмас, деб ўйлайди шекилли», — деб ёзди.
Pikabu фойдаланувчиси кекса таниши ушбу ижтимоий тармоқда рўйхатдан ўтишга уринишдан воз кечиб, Россия ижтимоий тармоқларида аккаунт очганини айтди.
Изоҳ (0)