Вазни 190 килограмм бўлган британиялик аёл болали бўлиш ва доимий хўрлашларни тўхтатиш учун 76 килограммгача озди. Бу ҳақда Daily Mail хабар берди.
Bristolлик 27 ёшли Эми Мерфи доимий равишда кўп овқат еган, лекин ўз ўлчамлари сабабли болали бўла олмаслигидан қўрққан. Бироқ унинг сўзларига кўра, ортиқча вазн унинг соғлиғига ҳеч қандай таъсир кўрсатмаган.
Атрофдагилар аёлнинг семизлиги учун унинг устидан доимий кулган. Унинг озиш ҳақида қатъий қарорга келишига автобусда 45 дақиқа давомида беш нафар эркакнинг уни масхара қилгани сабаб бўлган.
У озиш учун операцияни бошидан ўтказган ва парҳез тутган. Операциядан сўнг у фаол равишда спорт билан шуғулланган. Натижада 114 килограмм вазн йўқотишга муваффақ бўлган ва озишда давом этмоқда.
Изоҳ (0)