Сальвадорнинг Куизнауат шаҳрида гўзаллик танлови иштирокчисининг бош кийими ёниб кетди, деб ёзади «Metronews.ru».
Ҳодиса «Ҳосил қироличаси» унвонига эга қиз бошига патлардан иборат улкан бош кийим кийиб саҳнада турган пайтда юз берди. Қиз шоу иштирокчиларидан бирининг қўлида турган машъалга тегиб кетди, шунда патлар аланга олди.
Оловни пайқаб, тадбир ташкилотчилари ва томошабинлар саҳнага ошиқди ва алангани зудлик билан ўчиришга улгурди.
Аёлнинг ўзи жабр кўрмади, аммо унинг бош кийими бутунлай яроқсиз ҳолга келди.
Изоҳ (0)