941 лойиҳасининг атом сув ости кемалари «Архангельск» ва «Северсталь» утилизация қилинади. Бу ҳақда 19 январь куни, ўз манбасига таяниб, «РИА Новости» хабар берди.
Субмариналар ҳозирда Россия Ҳарбий-денгиз кучларининг жанговар таркибидан чиқарилган. Агентлик суҳбатдошининг сўзларига кўра, улардан эндиликда фойдаланиш фойдасиз. «Росатом» сув ости кемаларини 2020 йилдан сўнг утилизация қилади.
Айни вақтда Ҳарбий-денгиз кучларининг ихтиёрида биргина 911U «Дмитрий Донской» субмаринаси мавжуд бўлиб, унда «Булава» баллистик ракералари синовадан ўтказилган.
941 лойиҳасининг сув ости кемалари дунёдаги энг катта атом субмариналари ҳисобланади. Уларни яратиш устида конструктор Сергей Ковалёв иш олиб борган. Ушбу турдаги биринчи кема — ТК-208 1980 йилда сувга туширилган. Унинг узунлиги 172 метрга, кеманинг сув сиғими 49,8 минг тоннага тенг. Бу каби сув ости кемаларидан атига олти дона қурилган.
Изоҳ (0)