Сурия ҳарбий-ҳаво кучлари мамлакат осмонидаги исталган турк ҳарбий самолётини уриб туширишга тайёр. Бу ҳақда Сурия ташқи ишлар вазирининг ўринбосари Фейсал Миқдод маълум қилди, дея хабар беради «Коммерсант».
Унинг айтишича, турк ҳарбийларининг мамлакат шимоли-ғарбида жойлашган Африн шаҳридаги ҳар қандай ҳаракатлари «Сурия суверенитетига нисбатан тажовуз» ҳисобланади.
Haberturk олдинроқ ўз манбаларига таяниб, Туркия Африндаги ҳарбий операцияни курд кучлари марраларига авиазарбалар беришдан бошлаши, бунинг учун 149 та нишон танлаб олинганини билдирганди.
Изоҳ (0)