Ўзбекистон 2017 йилда Россиядан 109 минг тонна шакар импорт қилди. Бу ҳақда «Spot.uz» хабар бермоқда.
Россия аграр бозори конъюктураси институти етакчи эксперти Евгений Ивановга кўра, экспорт ҳажми келгусида 500 тоннагача кўтарилиши мумкин.
«Ўзбекистонга айниқса декабрь ойининг охирги кунлари жуда катта миқдорда шакар юкланди. Шароитлар ўзгармаса ва Россиядан шакар етказиб беришнинг юқори ҳажмлари сақланиб қолса, бу кўрсаткич 500 тоннага етиши мумкин», — деди Евгений Иванов.
Ўзбекистон ўтган йил декабрида 26 йил мобайнида илк бор Россиядан шакар сотиб олди. Ўшанда Россиядаги йирик агрохолдинглардан бири — «Продимекс» 50 вагон шакар жўнатганди.
Эслатиб ўтамиз, Президент фармонига мувофиқ Ўзбекистондаги шакар заводлари 2019 йил 1 январга қадар хом ашё импорти учун қўшимча қиймат солиғи тўлашдан озод этилди.
Изоҳ (0)