2017 йилда Тошкент ва Наманган шаҳарларида йўл ҳаракати хавфсизлиги ва жамоат тартибининг муҳофазаси учун компьютерлаштирилган бошқарув тизими жорий этилган бўлса, йўл белгиларини янгилаш учун эса «Ўзавтойўлбелги» давлат унитар корхонаси ташкил этилган, деб хабар берди Norma.
ИИВ ЙҲХББ маълумотларига кўра, компьютерлаштирилган тизим Тошкентдаги 115 та ва Намангандаги 6 та чорраҳада ишламоқда.
Тошкентда ўтган йили йўл ҳаракати қоидаларининг бузилиш ҳолати 2016 йилга нисбатан 7,5 фоизга, ЙТҲ оқибатида ҳалок бўлганлар 15,9 фоизга, жароҳат олганлар 8,7 фоизга камайган. Мутахассислар ушбу тенденцияларни тизимнинг ишлашига боғламоқда.
Республика ҳудудида ушбу технологияларни жорий этиш ишлари «Хавфсиз шаҳар» тадбирлар доирасида амалга оширилади.
Ўзбекистон Президентининг 2017 йил 11 июлдаги 3127-сонли қарорига асосан компьютерлаштирилган тизимлар билан қопланган чорраҳаларни кўпайтириш устида ишлар олиб борилмоқда. Пойтахтнинг ўзида ушбу кўрсатгич 400 тага тенг. Шунингдек, бу каби технологиялар Нукус ва бошқа вилоятлар марказида ҳам ишга туширилади.
Вазирлар Маҳкамасининг 2017 йил 2 октябрдаги қарорининг ижросини амалга ошириш мақсадида Автомобиллар йўллари давлат қўмитаси қошида «Ўзавтойўлбелги» унитар корхонаси ташкил этилган эди. Фармон билан тасдиқланган чора-тадбирлар дастурига мувофиқ, 2021 йил 1 январдан бошлаб барча йўл белгилари ва транспорт воситаларини тартбига солиш воситалари инвентаризация қилинади. Ҳозирги вақтда йиғилган маълумотлар қайта ишланиб, уларни янгиларига алмаштириш бўйича графикларни тузиш ишлари олиб борилмоқда.
Авваллари йўл белгилари ва транспортни тартибга солувчи воститаларни ўрнатиш билан турли ташкилотлар, автомобиллар йўлларини қуриш ва таъмирлаш ташкилотлари, шунингдек, йўл ҳаракати хавфсизлигининг ҳудудий бошқармалари шуғулланган. Улар йўл белгиларини ишлаб чиқарадиган турли корхоналар билан иш олиб борганлиги сабаб, ҳайдовчиларнинг ҳақли норозлигига сабаб бўлган.
Белгиларни алмаштириш иши босқичма босқич амалга оширилади. Биринчи навбатда 2019 йилнинг 1 январига қадар умумий фойдаланишдаги, халқаро ва давлат аҳамиятидаги йўлларга ўрнатилган белгилар алмаштирилади. 2019 йилнинг 1 январигача эса барча йўл белгиларини алмаштириш режалаштирилган.
Изоҳ (0)