Ислом Каримов номидаги фонд томонидан Ўзбекистон олий ўқув юртлари талабалари ўртасида иншолар танлови ўтказилади. Бу ҳақда Лола Каримова-Тиллаева Facebook’даги саҳифасида маълум қилди.
«Танлов Ўзбекистон Республикаси Биринчи Президенти хотирасини абадийлаштириш, ёш авлоднинг республикамиз янги тарихи хусусидаги ҳамда мамлакатимиз давлат мустақиллигини қарор топтириш, халқаро барқарорликни таъминлаш ва Ватанимизнинг тарихий-маданий меросини қайта тиклашда Ислом Каримовнинг тарихий хизматлари борасидаги билимларини ошириш мақсадида ташкил этилмоқда», — дейилади хабарда.
Иншо мавзулари:
- «Мустақил Ўзбекистон давлати шаклланишида Президент Ислом Каримовнинг роли».
- «Ўзбекистон Республикаси халқаро ҳамжамиятда: Биринчи Президентнинг минтақавий ва глобал хавфсизликни мустаҳкамлашга қўшган ҳиссаси».
- «Ислом Каримовнинг Ўзбекистон халқи маънавий қадриятлари, миллий ғурури ҳамда қадр-қиммати, тарихи ва маданиятини қайта тиклашдаги ўрни».
Танлов ғолибларига қуйидаги совринлар топширилади:
- I ўрин. 7 000 000 сўмлик грант, шунингдек, Фонд логотипи туширилган Apple MacBookAir 13 8/256 ГБ ноутбуки.
- II ўрин. 6 000 000 сўмлик грант, шунингдек, Фонд логотипи туширилган Apple iPad Prо 10.5 4G 256ГБ планшети.
- III ўрин. 5 000 000 сўмлик грант, шунингдек, Фонд логотипи туширилган iPhone 8 64 ГБ смартфони.
- IV-Х ўринлар. Рағбатлантирувчи совғалар – Фонд логотипи туширилган Kindle букридерлари.
Ҳар бир қатнашчидан фақат битта иншо қабул қилинади. Танлов иштирокчилари иншо билан бирга, шахсини ва Ўзбекистондаги олий ўқув юртида таҳсил олаётганини тасдиқловчи ҳужжатлар (паспорт ва талаба гувоҳномаси) нусхасини юборишлари зарур. Танлов ҳақида ижтимоий тармоқлар орқали 2018 йил 18 январдан иншо топширишнинг сўнгги санасига қадар хабар бериб борилади.Танлов 2018 йил 22 январдан 22 февралга қадар давом этади. 2018 йил 12 март куни танлов ғолиблари эълон қилинади.
Изоҳ (0)