ЎзА эксперт Акмал Абдураимовнинг Ўзбекистонда транспортдан фойдаланиш нархлари бошқа мамлакатларга нисбатан анча паст деган фикрлари билан бўлишди.
Тошкентдаги жамоат транспортининг нархи Киевдагидан 1,3 марта, Пекиндагидан — 3,3 марта, Истанбулдагидан — 4,7 марта, Москвадагидан — 6 марта, Ригадагидан — 8,7 марта, Сеулдагидан — 7,3 марта, Венададагидан — 15,3 марта арзон.
Ёки Тошкент — Термиз — Тошкент (деярли 700 км) йўналиши бўйича авиачипта ҳозирги пайтда 109,4 АҚШ долларига тенг бўлса, Қозоғистон ва Россияда худду шу масофага учиб бориш учун қарийб 2 баробар (198,10 доллар ва 194,6 доллар) Германияда 2,2 баробар (219,4 доллар) кўпроқ пул тўлаш керак бўлади.
«Ўзбекистон ҳаво йўллари» миллий авиакомпанияси парвозлари фақат энг замонавий қулайликларга эга самолётларда амалга оширилади. Аммо нархлари, айниқса ички йўналишларда, ўртача дунё қийматидан анча паст. Бундан пастроқ нархлар фақатгина «лоукостер», яъни хизмат даражаси ва самолётлари белгиланган нархларига мос компанияларда бўлиши мумкин. Ўзбекистон сарҳадларида авиапарвозлар фақатгина энг юқори хавфсизлик талабларига жавоб берадиган компаниялар томонидан амалга оширилади.
Маълумот учун: 2017 йил маълумотларига кўра, Ўзбекистонда ойлик иш ҳақининг ўртача миқдори 2017 йилнинг январидан сентябригача бўлган даврда 1 453 200 сўмни ташкил қилган. Бу расмий курс бўйича 112 АҚШ долларига тенг демакдир.
Россияда эса ушбу кўрсатгич 35 369 рублни, яъни 624 долларни ташкил этади.
Изоҳ (0)