Америкалик олимлар овқатда доимий равишда ортиқча тузнинг бўлиши ичакларда иммун тизимининг ўзгаришига ва оқибатда одамнинг когнитив вазифалари бузилишига олиб келишини аниқлади. Бу ҳақда Nature Neuroscience маълум қилди.
Мутахассислар уч ҳафта давомида натрий хлоридни ортиқча истеъмол қилиш эндотелиал вазифаларнинг бузилишига, мияда қон айланишининг секинлашишига ва когнитив бузилишга олиб келишини, бироқ артериал босимни ўзгартирмаслигини аниқлади.
Бутунжаҳон соғлиқни сақлаш ташкилоти бир суткада беш граммдан ортиқ ош тузини истеъмол қилмасликни тавсия этмоқда. Таъкидланишича, ош тузи истеъмолини бир суткада беш граммгача камайтириш ҳар йили 2,5 миллионта ўлимнинг олдини олиши мумкин.
Ташкилот маълумотларига кўра, сайёра аҳолисининг ярмидан кўпроғи ҳар куни ош тузини 80 — 140 фоиз кўпроқ истеъмол қилади. Ортиқча туз одам организмига асосан нон, қуруқ нонушта ва истеъмол учун тайёр овқатлар билан тушади.
Изоҳ (0)